EDIFICIO DO CONCELLO
INSTALACIÓN DE EQUIPOS FOTOVOLTAICOS.
O proxecto consiste na instalación de placas fotovoltaicas na cuberta do edificio do Concello, que foi concibido no seu proxecto orixinal como posible heliporto, aínda que na actualidade non se utiliza, e trata de fomentar as novas tecnoloxías na produción de enerxía eléctrica e a promoción das enerxías renovables, ademais de conseguir un importante aforro no custo enerxético do concello.
Proxéctase a instalación de 48 paneis solares fotovoltaicos de produción de enerxía eléctrica cunha potencia instalada de 14,88 kW.
Obxectivo: Promoción de novas tecnoloxías de enerxía renovable e aforro enerxético.
Proxecto cofinanciado pola Unión Europea (448.654,32 €).