CENTRO DE FORMACIÓN PARA O EMPREGO. CONCELLO DE NARÓN.
INSTALACIÓN DE EQUIPOS SOLARES-TÉRMICOS E FOTOVOLTAICOS
Este edificio situado no polígono industrial da Gándara, cunha superficie de 2.000 m2, realiza funcións de ensino de oficios entre os mozos do concello para a súa promoción ao emprego.
O proxecto aprobado consiste na instalación de placas solares-térmicas para a produción de auga quente sanitaria. Instálanse 4 placas solares-térmicas con capacidade para atender as necesidades das duchas cunha capacidade máxima de 606 litros/día nos vestiarios utilizados polos alumnos dos cursos.
Proxéctase tamén a instalación de 28 paneis solares-fotovoltaicos para a produción de enerxía eléctrica, 9 kW de potencia instalada, a modo de instalación didáctica.
Neste caso de actuación, o obxectivo é dobre:
- Fomento de novas tecnoloxías de enerxías renovables e aforro enerxético.
- Ensino destas novas tecnoloxías entre os alumnos ao dispor dunha instalación propia que sirva de mostra e prácticas.
Proxecto cofinanciado pola Unión Europea (276.436,44 €).