PAVILLÓN POLIDEPORTIVO CUBERTO
CONSTRUCIÓN DE PAVILLÓN POLIDEPORTIVO CUBERTO.
O fomento do deporte é un dos obxectivos básicos do Concello de Narón, polo que construíu nos últimos anos distintos pavillóns polideportivos e pistas de práctica deportiva.
Esta actuación ratifica este interese polo deporte que ofrece o Concello e proxecta a construción dun polideportivo "euronorma" cunha superficie deportiva de 29,00 x 48,00 mts. (pista efectiva de 20 x 40 mts.), con posibilidade de ser subdividido en tres pistas de 14 x 26 mts, que permitirá alcanzar un aforamento de 300 espectadores.
A descrición do pavillón resúmese en:
- Pista de 20 x 40 para a práctica de: balonmán, voleibol, fútbol sala, bádminton, baloncesto e tenis.
- Tres pistas de 14 x 26 para: educación física, ximnasia rítmica e deportiva.
Obxectivo: Promoción da conciliación familiar e cohesión social. Trata de achegar os cidadáns á cultura do deporte e ao lecer como parte da calidade de vida.
Proxecto cofinanciado pola Unión Europea (976.544,42 €).